Tingið fingið frágreiðing um meirnýtslu á sjúkrahúsinum

Løgtingslimirnir hava í dag umvegis løgtingsgrannskoðararnar fingið handað eina drúgva frágreiðing, sum Landsgrannskoðanin hevur gjørt av nýbyggingini á Landssjúkrahúsinum - byggingini av sokallaða H-bygninginum.

Saman við frágreiðingini er eisini uppskoti til samtyktar frá løgtingsgrannskoðarunum, har mælt verður til at gera greiðar reglur um, hvussu almennar byggiverkætlanir skulu skipast.

Í frágreiðingini er staðfest:

• at verandi skipan í sambandi við byggiverkætlanir ikki virkar,
• at leiðsla og ábyrgd í sambandi við byggiverkætlanir eru ikki nóg greið,
• at upplýsingar eru lagdar fyri Løgtingið, sum ikki eru eftirfarandi,
• at upprunaligar og endurskoðaðar játtanir og kostnaðarmetingar fyri H-bygningin hava ikki hildið,
• at verkætlanin er seinkað fleiri ár, og hevur ikki hildið upprunaligu og ei heldur endurskoðaðar tíðarætlanir, og
• at landsstýrisfólk hava ikki hildið sínar eftirlitsskyldur.

Frágreiðingin kann lesast her