Tjóðveldi vrakar Sonju Jógvansdóttir

Sonja Jógvansdóttir hevur meldað seg inn í Eysturoyar Tjóðveldisfelag, men hon sleppur ikki upp í tingbólkin hjá Tjóðveldi.

Tað vita fleiri miðlar í dag. Millum annað keldur hjá útvarpinum og keldur hjá FM1.

Tingbólkurin hevur havt fund um málið í dag, og úrslitið var, at hon ikki sleppur upp í. Annita á Fríðriksmørk, tingbólkaforkvinna vil einki siga um málið, sigur útvarpið.

Sonja Jógvansdóttir var vald á ting fyri Javnaðarflokkin til løgtingsvalið í 2015 við næstflest atkvøðum á listanum. Hon fekk 1.021 persónligar atkvøður. Bara Aksel V. Johannesen fekk meira, 2.405 persónligar atkvøður. Stutt eftir at samgonga varð skipað meldaði hon seg úr Javnaðarflokkinum og hevur verið uttanflokka síðani.