Tórhallur Johansen nýggjur tekniskur leiðari

Í gjár boðaði Vága Kommuna frá at Tórhall Johansen er settur í starv, sum tekniskur leiðari hjá kommununi.

Talan er um ein royndan mann. Heimasíðan hjá kommununi skrivar, at Tórhallur er útbúgvin byggifrøðingur og hevur drúgvar royndir við projekt- og entreprisuleiðslu innan fyri bygging og anleggsarbeiðið; bæði úr Føroyum og uttanlands. Eisini hevur hann royndir við projektering av bæði byggi- og anleggsarbeiðum.

Tað vóru 9 umsóknir til starvið, sum Tórhallur Johansen ætlandi tekur við 1. apríl.