Torradagar: Skrá fyri leygardagin

Í Klaksvík er Torrvikan framvegis í gongd. Hetta er skráin fyri í dag: 

10-13 : Norðoya Sparikassi í Fuglafirði

Morgunmatarborð í Mentanarhúsinum í Fuglafirði, har tónleikur og frásagnir eru á skrá.

Siloa-kórið og Fuglafjarðar Sangkór syngja.

Steffen Gram kunnar um fyrilesturin í Klaksvík seinni sama dag.

Eyðun á Lakjuni, klaverleikari og kórleiðari, spælir hugnatónleik á klaver. 

11.30: Matiné í Christianskirkjuni

Kórið í Christianskirkjuni.

Kórið framførir nakrar kirkjuligar satsir, og eisini
fosturlandssangir.

Harafturat framførir kórið kenda verkið “Heilagi staðurin” (The Holy City), sum Stephen Adams gjørdi tónleikin til; meðan Frederick E. Weatherly smíðaði orðini.

14-18: Posthúskjallarin

Finleif Mortensen, listamaður, hevur forvitnisliga listaframsýning við landslags- og abstraktum málningum.

14.00: Niðanfyri Sjúkrahúsið - Torrarenning

Signhild V. Johannesen, forkvinna í Mentanarnevndini, setur renningina í gongd.

Talan er um heilsurenning, og tí er ikki neyðugt við tilmelding.

Øll eru hjartaliga vælkomin at luttaka. Bæði tey, sum ynskja at renna og ganga. Eins og undanfarin ár verður byrjað niðanfyri sjúkrahúsið. Vit ganga ella renna í 15 minuttir, áðrenn vit venda og ganga ella renna aftur til sjúkrahúsið, har málið er. Gingið verður gjøgnum býin til Betri, og síðan úteftir móti Grøv/Skarðhamar.

14.00 : Klaksvíkar Sjúkrahús - Torra-Heilsukafé

14 - 17: Heilsucafé og opið Sjúkrahús.

Øll eru vælkomin. Inngongd millum Norðoya Røktarheim og Klaksvíkar sjúkrahús.

14.00: Heilsucafé

Heilsucaféin letur upp, og ymiskt leskiligt er at fáa í kantinuni til øll vitjandi.

14.00: Workshops

Heilsustovan (2. hædd).

Vit máta virðir, so sum blóðtrýst, puls, iltmetting í kroppinum og blóðsukur.

14.00: Fysio- og ergoterapiin

Til ber at gera eina konditest, og at máta feittvirðið í kroppinum.

14.00: Rannsóknarstovan

Tilmelding til blóðgeva.

14.30: Rennararnir koma í kantinuna

Jógvan Skorheim, borgarstjóri, heldur røðu.

14.00 : Spinnaríið

Norðoya Sparikassi 100 ár

Forvitnislig seðla- og myntaframsýning hjá Eyðálvi Gulklett.

Norðoya Sparikassi sýnir fram aðrar brúkslutir og myndir í sambandi við 100 ára søgu Sparikassans.

14.00 : Spinnaríið

SEV - Grøna Føroyar

Hákun Djurhuus, stjóri í SEV, og menningarleiðarin hjá elfelagnum, Terji Nielsen, greiða frá grønu kósini, sum SEV og Føroya Landsstýri hava arbeitt við seinastu fimm árini, og hvørji næstu stigini verða.

14.30 : Spinnaríið

Grønari flog- og ferðavinna

Jóhanna á Bergi, stjóri í Atlantic Airways, tosar um týdningin av, at ganga eina grønari leið í flog- og ferðavinnuni.

15.00 : Spinnaríið

Steffen Gram: “Eta Trump og Putin fisk”?

Fyrilsetur við Steffen Gram, tíðindamaður hjá DR, um týdningin av, at Føroyar hava góða marknaðar-
atgongd til EU, Russlandi og eisini til USA. Hvussu er, tá Trump leggur toll/bann á vørur? EU hevur boykott-að Russland, men hevur tað møguliga verið ein fyrimunur fyri Føroyar?

16.00 : Spinnaríið

Rudolf Joensen og Oliver Joensen hugleiga um Spinnaríið.

Um ymsar mentanarligar hendingar, ið Spinnaríið eisini hevur verið karmur um.

Norðoya Sparikassi bjóðar hummarasuppu.

Tónleikur frá Hans Andris Jacobsen og kaffi er eisini á skrá við onkrum góðum afturvið.

17.00: Atlantis Bio

Filmurin Cold Case Hammerskjold

19.00: Atlantis Bio

Filmurin Circus

21.00: Atlantis Bio

Filmurin Unge Astrid


Kelda: Norðlýsið