Tórshavnar kommuna ger ítøkiligt stig á grønu leiðini

Náttúru- og umhvørvisnevndin hevur samtykt, at Tórshavnar kommuna skal gevast við at brúka bláleistarnar – bláu einnýtis plastskógvarnar. 

Avgerðin varð send kommunalu stovnunum til hoyringar. Heilsu- og umsorganartænastan hevur tó tørv á at halda á fram at nýta bláleistarnar, og tískil er undantak givið teimum.

Hervið fara bláleistarnir í søguna á dagstovna-, skúla- og mentunarøkinum. Í næstum verða skeltir hongd upp á øllum stovnum, har fólk verða biðin um at lata seg úr skónum, skrivar kommunan á heimasíðuni.

Átakið er enn eitt stig á Grønu Leiðini, umhvørvispolitkkinum hjá Tórshavnar kommunu, at minka um nýtsluna av einnýtis plasti.