Tríggir bilførarar tiknir í nátt

Í nátt hevur sum heild verið friðarligt, upplýsir vakthavandi á løgreglustøðini í Havn í morgun. Tó vórðu tríggir bilførarar tiknir fyri ymisk lógarbrot í nátt.

Ein bilførari var tikin í Vágum. Hann koyrdi bil uttan at hava koyrikort.

Hinir báðir bilførararnir vórðu tiknir í høvuðsstaðnum.

Tann eini var tikin fyri rúsdrekkakoyring, og hin virdi ikki, at ferðslan á parti av Sundsvegnum er einvegis fram til 15. juni, nakað, sum nógvir bilførarar hava fingið bót fyri seinastu tíðina.