Tríggir persónar dripnir og tveir særdir í álopi á NATO

Ein skottilburður var í Kandahar har suðuri í Afganistan, tá NATOfundur varð hildin. Trý fólk vórðu dripin, meðan tveir amerikanarar vórðu særdir í álopinum.

Fyrstu tíðindini vóru, at tað vóru fólk í trygdarliðinum hjá guvernørinum, sum byrjaðu at skjóta, men nú hevur Taliban tikið ábygrd fyri álopið.

Lokali løgreglustjórin, fregnartænastustjórin og guvernørurin í Kandahar vórðu dripnir í álopinum.

Taliban sigur, at málið við álopinum var generalurin fyri hernaðarstyrkina hjá USA og NATO í Afganistan, Scott Miller.