Trump: Tollurin á ES-vørur verður 30 prosent

Amerikanski forsetin, Donald Trump boðar frá, at hann ætlar at leggja 30 prosent í tolli á vørur, sum verða innfluttar úr ES frá 1. august.

Eisini ætlar hann at leggja ein líknandi toll á vørur úr Meksiko, skrivar hann í dagføring á Truth Social, har hann hevur viðfest eitt bræv til ES-nevndarforkvinnuna Ursula von der Leyen.

ES hevur annars roynt at fingið eina handilsavtalu við USA, áðrenn hægri tollurin, sum amerikanski forsetin boðaði frá í vár, kemur í gildi. Í løtuni stendur hann til at koma í gildi 1. august.

Hendan fráboðanin kemur stutt eftir, at hann hevur ásett toll á vørur úr fleiri øðrum londum.

Les eisini: Trump ásetir fleiri tollsatsir