Trý klipp í gjár

Seinasta samdøgrið hevur løgreglan verið úti og kannað ferðsluna, og í hesum sambandi vórðu fýra mál skrivað.

Við tunnilsmunnan til Kollafjarðartunnilin fekk ein bilførari klipp fyri eina ólógliga yvirháling, og á Velbastaðvegnum, fingu tveir bilførarar klipp fyri at koyra ov skjótt.

Bilførararnir koyrdu á einum strekki, har mest loyvda ferðin er 60 kilometrar um tíman, men ferðin hjá teimum báðum varð máld til 77 kilometrar um tíman.

Fjórði bilførarin varð tikin í nátt um klokkan hálvgum tvey. Hann varð steðgaður á Skálafjørðinum, og vísti tað seg, at hann var ávirkaður av rúsevnum.

Hann varð handtikin, blóðroynd varð tikin, og síðani varð hann leyslatin og skuldsettur fyri at koyra ávirkaður av rúsevnum.