Trý klipp og ein treytað frádøming

Fríggjadag fyrrapart var løgreglan úti og kannaði ferðsluna í Havn og í Eysturoynni, og har vórðu fýra mál skrivað.

Í Havn fingu tveir bilførarar klipp fyri at koyra øvugtan veg í einari rundkoyring við Glasir.

Á Fuglafjarðarvegnum fekk ein bilførari treytaða frádøming fyri at koyra ov skjótt. Mest loyvda ferðin er 80 kilometrar um tíman, men hesin hevur koyrt yvir 110 kilometrar um tíman.

Í Søldarfirði fekk ein bilførari klipp fyri at koyra 78 kilometrar um tíman, har mest loyvda ferðin er 50 kilometrar um tíman.