Tummas á Lakjuni gjørdist fyrsta pisan á tøknibreytini

Tummas á Lakjuni, ið gongur á tøknibreytini á Tekniska Skúla í Klaksvík, TSK, hevur í morgun, sum ársins fyrsta pisa, fingið húgvuna á høvdið.

Tummas var uppi í samfelagsfrøði B, har økisleiðarin á tøknibreytini, Kjartan Sleire, er lærari og somuleiðis tann ið settið húgvuna á høvdið.

Sum siður er, so slapp fyrsta pisan at vinda flaggið á stong.

Tekniski Skúli hevur prógvhandan úti í Grøv mikudagin kl. 10.