Alda Nielsdóttir
Turkaland hevur givið boð um at handtaka ísraelska forsætisráðharran, Benjamin Netanyahu og fleiri av hansara ráðharrum, framgongur av fráboðanini frá turkiska ákærumyndugleikanum.
Orsøkin er, at teir eru lagdir undir at hava framt fólkadráp og brotsverk móti mannaættini í sambandi við kríggið í Gazageiranum. M.a. fáa hesir ábyrgdina fyri eitt álop á eitt turkiskt-bygt sjúkrahús í Gaza í mars.
Handtøkuboðini umfata 37 ísraelar, harímillum eisini ísraelska verjumálaráðharranum Israel Katz, skrivar Ritzau.
Altjóða revsidólstólurin (ICC) gav í november 2024 boð um, at Netanyahu og fyrrverandi ísraelski verjumálaráðharrin, Yoav Gallant skulu handtakast fyri fólkadráp.
ICC gav eisini boð um at handtaka tríggjar leiðarar úr palestinsku Hamas-rørsluni fyri krígsbrotsverk, men hesi handtøkuboðini vórðu tikin aftur, eftir at leiðararnir vórðu dripnir í Gaza.
Vinarliga broyt tínar kennifíla - og privatlívsstillingar fyri at síggja hetta innihald