Tvær fráboðanir um springarar

Beint fyri klokkan níggju í morgun varð boðað frá, at springarar vóru sæddir umleið fimm fjórðingar úr Eystnesi, upplýsir vaktleiðarin á løgreglustøðini í Havn.

Støða er tó enn ikki tikin til, um teir skulu haldast til.

Seint seinnapartin í gjár varð eisini boðað frá springarum út fyri Skarðshjalla. Tað vísti seg tó at vera nísur, so tí var einki gjørt við teir.

Dagføring kl. 10.33: Springararnir verða hildnir til á Skálafjørðinum