Uttanlands

Tvær norðurlendskar kvinnur dripnar í Marokko

Tvær kvinnur úr Noregi og Danmark eru funnar deyðar í Marokko og talan er um dráp. Myndugleikarnir í Marrokko arbeiða við málinum, men danska uttanríkistænastan bíðar enn eftir endaligari staðfesting av deyðsfallinum

Hægsta fjall í Norður Afrika

Hægsta fjall í Norður Afrika

2018-12-18 07:28 Author image
Regin Winther Poulsen
placeholder

Gjárakvøldið skrivaði EB.dk at tvær norðurlendskar kvinnur eru funnar deyðar í Marokko, har tær hava fjakka saman. Kvinnurnar eru mitt í tjúgunum. 

Sambært VG.no bera kanningar av kroppinum hjá kvinnunum boð um, at tær hava verði fyri ógvusligum harðskapi. Brotsmaðurin hevur brúkt okkurt hvasst amboð og talan kann vera um knív. 

Kvinnurnar vórðu funnar uttanfyri bygdina Imlil, sum lyggur í fjallalendinum nær við Toubkal, sum er hægsta fjallið í Norðurafrika. Báðar kvinnurnar ferðaðust einsamallar og vórðu funnar tætt við tjøldini hjá sær. 

Maður, sum VG hevur tosað við sigur, at økið kring bygdina er avbyrgt og at bygdafólkið er skelka. Hann sigur, at tílíkt aldirn er komið fyri áður. 

 

 

placeholder
placeholder