Tveir bilførarar fingu klipp í gjár

Í gjár var løgreglan úti og kannaði ferðsluna, og úrslitið av hesum var, at tveir bilførarar fingu klipp í koyrikortið.

Ein fekk klipp fyri eina ólógliga yvirháling í Kaldbaksbotni, og ein fekk klipp fyri at koyra ímóti ferðsluni á einsrættaðum vegi í Havn.

Í Norðoyatunlinum var ferðslan órógvað eina løtu, tá ein lastbilur punkteraði, so løgreglan sendi fólk á staðið at skipa ferðsluna, inntil lastbilurin varð fluttur, sigur vaktleiðarin á løgreglustøðini í Havn, sum leggur afturat, at seinasta samdøgrið annars hevur verið stak friðarligt.