Tveir bilførarar koyrdu ov skjótt í gjár

Sunnudagin var løgreglan úti og kannaði ferðsluna, og í hesum sambandi vórðu tveir bilførarar á Oyrareingjum tiknir fyri at koyra ov skjótt.

Bilførararnir, sum vórðu tiknir um 14-tíðina í gjár, koyrdu ávikavíst 100 og 102 kilometrar um tíman, har mest loyvda ferðin er 80.

Báðir fáa eina bót, umframt at tann seinni eisini fær eitt klipp, sigur vaktleiðarin á løgreglustøðini í Havn.