Tveir sløkkiliðsmenn heiðraðir fyri trúgva tænastu

Fríggjkvøldið 6. september vórðu tveir sløkkiliðsmenn í Skálafjarðar Kommunala Sløkkiliði – SKS – heiðraðir fyri trúgva tænastu í sløkkiliðnum í 25 ár.

Talan var um Jónsvein Bjartason, av Strondum, og Helgi Olsen, úr Rituvík.

Í sambandi við 50 ára dagin hjá SKS var hugnalig samkoma á Svangaskarði, har Súni í Hjøllum, formaður í tilbúgingarnevndini hjá SKS, handaði sløkkiliðsmonnunum heiðurstekin, skrivar Nes kommuna í tíðindaskrivi.

Tað var Hennara Hátign, Drotning Margretha II, sum í 1973 stovnaði heiðurmerkið fyri sløkkiliðsfólk.