Tveir tiknir í ferðsluni í nátt

Seinasta samdøgrið hevur sum heild verið rættiliga friðarligt, sigur løgreglan.

Men í nátt tók løgreglan ein persón á skutara fyri at koyra ávirkaður, og ein fyri at koyra bil uttan koyrikort.

Talan var í hesum førinum um ein ungan persón, sum ikki hevði aldur til at koyra bil, og verður sosialrapport skrivað, sigur vaktleiðarin á løgreglustøðini í Havn.

Báðir vórðu tiknir í miðstaðarøkinum.

Í gjár var løgreglan eisini úti og gjørdi ferðslukanningar í miðstaðarøkinum og norðurøkinum, men har var einki at finnast at.