Um jólini, og eisini í tíðini upp til, varð samferðslan nógv darvað av veðrinum. Nú er veðrið væl betri, og tað er ikki vegna veður, at onkrar broytingar eru í hjá Strandferðsluni í dag.
Á heimasíðuni ssl.fo verður boðað frá, at vegna tekniskt arbeiđi umborđ á Teistanum í dag, týsdag 27. december, verða túrarnir av Gomlurætt klokkan 15:50 og úr Skopun kl. 16:35 ikki sigldir.
Teistin er júst farin av Skopun - siglt verður nú fyrst út í Hest - og fer av Gomlurætt aftur klokkan 17.20.
Strandferðslan boðar eisini frá, at eingin koyring verður á leið 350, tað ið eftir er av degnum. Hetta er vegna serligar umstøður; talan er um bussleiðina úr Havnini til flogvøllin, víðari til Gásadals og aftur.
Vinarliga broyt tínar kennifíla - og privatlívsstillingar fyri at síggja hetta innihald