Tvey ferðsluóhapp í gjár

Í gjár fekk løgreglan fráboðanir um tvey ferðsluóhapp.

Eitt ferðsluóhapp var í Suðuroynni, og eitt var í høvuðsstaðnum, men talan var ikki um nakað álvarsligt, og eingin fólkaskaði var, sigur vaktleiðarin á løgreglustøðini í Havn.

Fyrra óhappið hendi í Sumbiartunlinum um klokkan átta leygarmorgunin.

Talan var um eitt sonevnt soloóhapp, har ein bilur rendi inn í tunnilsveggin, tá hann skuldi snara undan einum steini á vegnum. 

Seinna óhappið hendi í miðbýnum í Havn um klokkan hálvgum níggju á kvøldi.

Talan var um ein bil, sum hevði bakkað inn í ein parkeraðan bil og var síðani rýmdur av staðnum aftur. Tað eydnaðist tó løgregluni at finna fram til eigaran av bilinum og føraran, sum hevði koyrt bilin, og hann er nú skuldsettur fyri at rýma undan einum ferðsluóhappi.