Tvey ferðsluóhapp í Norðagøtu

Vakthavandi á politistøðini upplýsir, at løgreglan ikki hevði nógv at gera í nátt. Tað var friðarligt, og einki mál uppstóð.

Tó var nakað at gera á ferðsluøkinum. Tað hevur verið nógvur kavi og í seinastuni, og har var okkurt dømi í nátt um "soloóhapp", har ein bilur lá við síðuna av vegnum, tí hann var farin útav av hálkuni. Talan var tó ikki um nakran álvarsligan skaða.

Í Norðagøtu vóru tvey ferðsluóhapp. Klokkan hálvgum fimm rendu tveir bilar saman. Annar førarin fekk klipp í koyrikortið, tí hann ikki helt neyðugu frástøðuna. Klokkan hálvgum átta í morgun var aftur galið á sama staði. Tá fekk annar førarin klipp fyri brot á víkiskyldu og treytaða frádøming av koyrikortinum.

Ein úr hvørjum ferðsluóhappi varð fluttur á sjúkrahús til víðari kanningar, men talan var ikki um nakran álvarsligan skaða. Vakthavandi sigur, at hesar støðurnar ikki uppkomu orsakað av koyrilíkindum sum men heldur av óansi