Tvey hálkuóhapp í morgun

Landsverk boðar frá hálku kring landið, og sambært løgregluni hevur hálkan elvt til tvey ferðsluóhapp í morgun.

Ein bilur fóru útav vegnum, og ein annar rendi í ein annan bil.

Fyrra óhappið hendi á Tvøroyri um klokkan seks í morgun, og tað seinna hendi í høvuðsstaðnum beint áðrenn klokkan átta.

Eingin fólkaskaði var, men í báðum førum var eitt sindur av materiellum skaða, sigur vaktleiðarin á løgreglustøðini í Havn.

Seinnapartin í gjár – millum klokkan 14 og 15 – var løgreglan úti og kannaði ferðsluna í Kollfjarðardali, og í hesum sambandi fingu sjey bilførarar klipp fyri at koyra ov skjótt.

Teir koyrdu allir millum 102 og 113 kilometrar um tíman, hóast mest loyvda ferðin er 80 kilometrar.