Tvey harðskapsmál í nátt: Løgreglan sóknast eftir vitnum

Í nátt vóru tvær hendingar í miðbýnum í Havn, har fólk vóru fyri harðskapi. Ein endaði á Landssjúkrahúsinum, og varð innlagdur til observatión.

Hendingarnar fóru fram í økinum við Sverrisgøtu og í Steinatúni beint eftir klokkan fýra.

Vakthavandi á løgreglustøðini í Havn sigur, at tey vita hvør framdi harðskapin, og at tveir gerningsmenn eru í eina málinum, meðan tað í hinum førinum var talan um ein.

Løgreglan kannar málini, og vilja tey fegin frætta frá fólki, sum hava sæð, hvat er farið fram, leggur vakthavandi afturat.