Tvey klipp í ferðsluni í gjár

Løgreglan gjørdi ferðamátingar Millum Fjarða í gjár, og úrslitið varð, at tvey klipp vórðu givin.

Tað var millum klokkan 16 og 17:30 at løgreglan gjørdi kanningarnar. Tveir bilførarar fingu klipp í kortið. Tann eini koyrdi 107 km/t, meðan hin koyrdi 105 km/t.

Ein triði bilførari var heppin, tí at hesin slapp akkurát undan at fáa klipp. Hesin koyrdi 102 km/t, men av tí at óvissan við ferðamátingini ger, at 3 km/t verða tiknir av ferðini, slapp hesin akkurát undan at fáa klipp.