Tvey klipp og ein frádøming av koyrikortinum

Tíðliga gjáramorgunin gjørdi ferðsluløgreglan ferðakanningar millum Fjarða. Her var ein bilur máldur til at koyra 109 kilometrar um tíman, har mest loyvda ferð er 80 – tað gevur klipp í koyrikortið.

Ein annar bilførari fekk somu revsing við at koyra 77 kilometrar um tímar í Søldarfirði, har mest loyvda ferð er 50 km/t.

Triði bilførarin fekk harðari revsing.

Hann koyrdi 84 kilometrar um tíman á landsvegnum millum ringvegin í Havn og býlingin Norðrasta Horn. Hóast tað er landsvegur, so er hægst loyvda ferð her sett niður á 60 kilometrar um tíman, og 24 km/t yvir hægst loyvdu ferð her, gevur treytaða frádøming av førararættinum, upplýsir vaktleiðarin hjá løgregluni.