Ukraina: Seks latið lív og heilur landslutur hevur mist streymin

Í minsta lagi seks persónar hava í nátt latið lív í russsiskum álopum á Ukraina, upplýsir ukrainski ríkisákærin.

Álopini, sum kravdu mannalív, raktu landslutirnir Dnipropetrovsk og Odesa í ávikavist Eystur- og Suðurukraina.

Umframt hetta hava 58.000 borgarar í Zaporizjzja mist streymin, meðan allur Donetsk-landsluturin eisini er uttan streym, skrivar Ritzau.

Russland boðaði í nátt frá ukrainskum dronuálopum á russiska havnabýin Tuapse í Krasnodar-landslutinum við Svartahavið.

Tvey útlendsk skip og oljumóttøkustøðin á havnini feingu skaða í álopinum.