Ingi Samuelsen
Norðurlendska kokkakappingin fyri ungar kokkar, “Arctic Young Chef”, stytt AYC, verður hildin 22. august í ár. Kappingin verður hildin í Klaksvík í sambandi við sjómannadagin.
AYC var hildin á fyrsta sinni í 2024. Eitt innleiðandi umfar verður hildið í londunum Grønlandi, Íslandi, Føroyum og Norra. Vinnarin í hvørjum landi heldur fram til eitt finalu- umfar, at kappast ímótir vinnarunum úr hinum londunum.
Treytirnar fyri at luttaka eru, at tú stendur í læru sum kokkur ella hevur staðið sveinaroyndina fyri kokkar, men í mesta lagi ert 24 ár. Í mesta lagi átta luttakarar sleppa at kappast í innleiðandi umfarinum í hvørjum landi.
Í kokkakappingini sjálvari verður dentur lagdur á:
- rávørur, ið eru ov lítið gagnnýttar
- at samantvinna siðvenju og nýhugsan
- haldføri og matspill
- at menna rættir, ið kunna borðreiðast í t.d. skúlum og almennum køkum
Kappingin í Føroyum verður tann fyrsta innleiðandi kappingin í hesum umfari. Síðan verða kappingar í Íslandi í september, í Noregi í oktober og í Grønlandi einaferð næsta ár, dagurin er ikki ásettur enn. Sjálvfinalan verður hildin í Íslandi.
Í Føroyum er tað Andras S. Jacobsen, leiðari á matvørudeidini á Tekniska skúla í Klaksvík, sum stendur fyri kappingini.
Tilmelding og nærri kunning fæst á www.ayc.fo
Vinarliga broyt tínar kennifíla - og privatlívsstillingar fyri at síggja hetta innihald