Uppskot til veðurlagspolitikk ávegis

Um ársskiftið setti landsstýriskvinnan, Sirið Stenberg, ein arbeiðsbólk at gera uppskot til endurskoðaðan veðurlagspolitikk. Arbeiðsbólkurin hevur nú gjørt eitt ávegis uppskot, sum í farnu viku varð sent áhugapørtum til ummælis, skrivar Heilsu- og Innlendsismálaráðið.

Freistin at gera viðmerkingar er sett at vera tann 31. mai.

Tá viðmerkingarnar hjá áhugapørtunum eru viðgjørdar, verður uppskotið latið landsstýriskvinnuni. Síðani verður endurskoðaði veðurlagspolitikkurin viðgjørdur politiskt.