USA bumbað enn ein narkobát

USA hevur aftur í nátt bumbað ein bát í Kyrrahavinum, sum sambært herinum hevði narkosmugglarar umborð.

Tað skrivar Pete Hegseth, krígsmálaráðharri, í eini dagføring á X, har hann umrøður narkotikasmuglarar sum yvirgangsfólk. Sambært Hegseth eru trý fólk deyð í álopinum.

Týsdagin doyðu tveir persónar umborð á einum øðrum báti.

- Hesi álopini fara at halda fram dag eftir dag. Hetta eru ikki einans narkotikasmugglarar, tey eru narko-yvirgangsfólk, sum koma við deyða og oyðilegging til okkara býir, skrivar Hegseth.

Today, at the direction of President Trump, the Department of War carried out yet another lethal kinetic strike on a vessel operated by a Designated Terrorist Organization (DTO). Yet again, the now-deceased terrorists were engaged in narco-trafficking in the Eastern Pacific.

The… pic.twitter.com/PEaKmakivD

— Secretary of War Pete Hegseth (@SecWar) October 23, 2025

Sambært amerikanskum tølum hava minst 37 fólk mist lívið síðan álopini byrjaðu í Karibiska havinum og Kyrrahavinum

Eitt nú hevur Kolumbia funnist at hesum atsóknum, sum landið heldur er brot á galdandi lóggávu.

Í nátt segði Nicolas Maduro, forseti, í eini røðu, at Venesuela hevur 5.000 russiskar rakettir, sum kunnu brúkast ímóti amerikansku atgerðunum í Karibiska havinum, skrivar Ritzau.