Alda Nielsdóttir
Amerikanski forsetin, Donald Trump skrivaði fríggjadagin undir nýggja løgskipan, sum strikar toll á fleiri enn 200 matvørum.
Talan er m.a. um búffar, tomatir, bananir, og kaffi, skrivar Ritzau.
Tað var fyrst í apríl, at Trump boðaði frá, at hann fór at leggja toll á vørur úr nærum øðrum londum. Ein grundtollur á tíggju prosent varð lagdur á øll lond, umframt at hægri tollur var galdandi fyri vørur úr ávísum londum.
Hendan avgerðin kemur, samstundis sum nógvir amerikanarar eru stúrnir um hækkandi prísirnir á gerandisvørum.
Trump hevur higartil víst aftur, at tollurin á útlendskar vørur er orsøkin til prísvøksturin í USA, men fríggjadagin viðgekk hann tó, at tollurin kann hava við sær hægri prísir.
Fríggjadagin segði Trump eisini við journalistar á amerikanska forsetaflogfarinum Air Force One, at hann hevur ætlanir um, at inntøkurnar frá tollinum skulu latast amerikanarum við lág- og miðalinntøku.
Vinarliga broyt tínar kennifíla - og privatlívsstillingar fyri at síggja hetta innihald