Mikudagin 26. januar verður ráðstevnan hjá Útnorðurráðnum um veðurlagspolitikk og skiftið til grøna orku. Ráðstevnan verður hildin á Akureyri í Íslandi.
Vegna koronu og galdandi tiltøk í Íslandi, verður talan fyrst og fremst um eina talgilda ráðstevnu, skrivar Útnorðurráðið í tíðindaskrivi.
Tey, sum hava framløgur á degnum vera tó á staðnum. Millum tey eru Hjálmar Hátún, havfrøðingur frá Havstovuni, Magnus Rasmussen, landsstýrismaður, og Johannes Jensen, nevndarlimur í Burðardyggum vinnulívi.
Øll skráin fyri ráðstevnuna sæst her.
Føroysku limirnir í Útnorðurráðnum eru Edva Jacobsen, Henrik Old, Heðin Zachariasen, Steffan Klein Poulsen, Høgni Hoydal, og Ruth Vang.
Vinarliga broyt tínar kennifíla - og privatlívsstillingar fyri at síggja hetta innihald