Innanlands

Vága kommuna letur kjølsvín til allar smábátar

Hetta til tess at koma mongu oljudálkingunum til lívs. Amboðið skal upptaka møguligar oljulekar

2023-04-19 10:40 Author image
Tíðindaskriv
placeholder

Á hvørjum ári fær Vága kommuna fleiri fráboðanir um oljudálking í bátahylinum og rundan um hylin. Hesar oljudálkingar ynskir Vága kommuna at steðga, og tí letur kommunan øllum smábátum í kommununi, við føstum motori, eitt sokallað kjølsvín.

Eitt kjølsvín verður lagt í kjølin, har tað upptekur møguligar oljulekar á motori v.m. í seg. Tá ið kjølsvínið er fult, skal tað burturbeinast á kommunala umhvørvisplássinum til brenningar.

Um ongin óvanligur oljuleki er, er mett at tørvur er at skifta kjølsvínið annað hvør ár. Tá kjølsvínið verður latið inn á kommunala umhvørvisplássið fer eitt umbýtið fram og bátaeigarin fær eitt nýtt kjølsvín útflýggjað.

Við hesum vónar Bjarni Prior, borgarstjóri at kommunan kemur eitt stig nærri at basa trupulleikanum við oljulekum og harvið betra um umhvørvið rundan um bátahylin og á fjørðinum, Hann hevur tí, vegna býráðið, tikið stig til at veita hesa tænastuna til bátaeigararnar.

Tað er eitt krav, at bátar hava kjølsvín. Hesi kunnu heintast hjá havnaumsjónarmanninum á Havnaskrivstovuni.

Vága kommuna

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder