Varðhaldsfongslaður í tvær vikur fyri hóttanir

Ein útlendingur, sum varð handtikin um vikuskiftið, varð í gjár framstillaður í Føroya rætti, og rætturin avgjørdi at varðhaldsfongsla hann í tvær vikur.

Hann varð tikin eftir at hava hótt starvsfólk á gistingarhúsum í høvuðsstaðnum leygardagin.

Hvørji ørindi hann hevur í Føroyum er ógreitt, sigur vaktleiðarin á løgreglustøðini í Havn, sum leggur afturat, at tað kann enda við, at hann verður vístur av landinum.