Vatnveitingin á Trøllanesi fingið løggilding

Klaksvíkar kommuna hevur fingið løggilding til sína fyrstu vatnveiting, og tað er vatnveitingin á Trøllanesi, skrivar Heilsufrøðiliga starvsstovan á heimasíðuni.

Hetta inniber, at mannagongdir viðvíkjandi framleiðsluhátti, útbreiðslu og arbeiðshátti eru góðkendar av Heilsufrøðiligu starvsstovuni.

Jóhan við Neyst, leiðari á vatndeildini hjá kommununi, hevur staðið fyri arbeiðinum at fáa løggilding til vatnveitingina saman við uttanhýsis ráðgeving.