Veðrið ávirkar ferðaætlanina

Veðurstovan boðar frá illveðri í kvøld, sum varar fram til fyrrapartin í morgin, Strandferðslan boðar tí frá, at roknast kann við broytingum og/ella avlýsingum á oyggja- og bygdaleiðum í dag og í morgin.

Higartil er tað bert ferðaætlanin hjá Smyrli, sum er ávirkað.

Fráferðir av Krambatanga klokkan 17.30 er framskundað til klokkan 16, og fráferðin av Havnini klokkan 20 er framskundað til klokkan 18.30.

Bygdaleiðir í Suðuroy koyra í sambandi við broyttu ferðaætlanina hjá Smyrli, og nærri kunning viðvíkjandi sigling mánadagin kemur seinni í dag, skrivar Strandferðslan.