Ari av Rana
Tað verða ymisk tiltøk í býnum hetta víkuskiftið, stuðultiltak hjá Knørri á Skálatrøð (brúktbilasøla), umhvørviskvika í gamla kommunskúlagarði og tiltakið ein “Dagur á Grynni” verður leygardagin í Tórsgøtu. Tórshavnar kommuna hevur gjørt l´fylgjandi yvirlit yvir broytingar í ferðsluni:
Ein dagur á Grynnuni
Í sambandi við tiltakið ”Ein dagur á Grynnuni”, verða hesir vegir og øki stongd:
Parkeringsøkið í Tórsgøtu verður stongt frá í kvøld 2. mai kl. 18.
Tórsgøta frá Sverrisgøtu oman í Vágsbotn verður stongd frá fríggjardegnum 3. mai á middegi til leygarkvøldið 4. mai kl. 22.
Mylnugøta, Undir Bryggjubakka og Vágsbotn verða stongd frá leygarmorgni kl. 09 til leygarkvøld kl. 22.
Umhvørvisvikan 2019
Í sambandi við Umhvørvisvikuna 2019 verða hesir vegir stongdir:
Niels Finsensgøta frá Sverrisgøtu oman til Vaglið verður stongd frá fríggjakvøldinum tann 3. mai frá kl. 18. til leygardagin 4.mai kl. 16.
Brúktbilasøla á Skálatrøð
Stuðulsfelagið hjá Knørri skipar fyri brúktbilasølu á Skálatrøð leygardagin 4. mai. Ein partur av parkeringsplássinum verður tí stongdur fyri almennari ferðslu frá í kvøld 3. mai kl. 18 fram til í annaðkvøld kl. 22.
Vinarliga broyt tínar kennifíla - og privatlívsstillingar fyri at síggja hetta innihald