2019-02-28 09:04
Ari av Rana
Ari av Rana
Altjóða átakið Fishing For Litter ella føroyska Ruskveiða fór av bakkastokki í gjár í Tórshavnar kommunu.
Endamálið hjá Fishing For Litter er at minka um rusk í havinum við at fáa fiskiíðnaðin við. Tá ið fiskiskip taka tað, sum kemur í trolið aftur til lands, verður minkað um ruskið, sum skolar upp á strendurnar
Harumframt minkar hetta um tað, sum størri súgdjór kunnu eta. Átakið Firshing For Litter er í Bretlandi, Niðurlondum, Svøríki og Føroyum.
Kommunenes Internasjonale Miljøorganisasjon KIMO eigur átakið, og Tórshavnar kommuna bleiv limur í 1. januar í ár.
Átakið er eisini partur av Grønu leiðini – umhvørvispolitikkinum hjá Tórshavnar kommunu, skrivar kommunan. Átakið hoyrir eisini til heimsmál 14 – Lív í havi og vatni.
Magnus Heinason, rannsóknarskipið hjá Havstovuni, fer at savna rusk, sum kemur inn, tá ið yvirlitstrolað verður. Skilt verður í tveir bólkar, jarn & metall og at brenna.
Hetta er fyrsta átakið hjá KIMO, sum Tórshavnar kommuna setur í verk.
Átakið er eisini partur av Grønu leiðini – umhvørvispolitikkinum hjá Tórshavnar kommunu, skrivar kommunan. Átakið hoyrir eisini til heimsmál 14 – Lív í havi og vatni.
Magnus Heinason, rannsóknarskipið hjá Havstovuni, fer at savna rusk, sum kemur inn, tá ið yvirlitstrolað verður. Skilt verður í tveir bólkar, jarn & metall og at brenna.
Hetta er fyrsta átakið hjá KIMO, sum Tórshavnar kommuna setur í verk.
Vinarliga broyt tínar kennifíla - og privatlívsstillingar fyri at síggja hetta innihald