Vendi undan seyði og útav vegnum

Beint fyri klokkan átta í morgun fekk løgreglan fráboðan úr Kvívík, um at ein bilur var koyrdur av vegnum.

Tað var bilførarin sjálvur sum ringdi til løgregluna og segði, at hann hevði koyrt av vegnum omanfyri bygdina. Bilførarin forkláraði, at ein seyður var á vegnum, og at hann tí royndi at vendan undan seyðinum. Tíverri misti hann tamarhald á bilinum og endaði í veitini í ovara borði.

Bilførarin fekk ongan skaða í óhappinum, men eldri bilurin hann koyrdi fór so illa, at hesin varð koyrdur burtur.