Video: Ein stangaður og sjey onnur særd eftir tarvarenning

(Video: EFE)

Árliga tarvarenningin á San Fermin-festivalinum í Pamplona í Spania er í hesum døgum.

Runnið verður hvønn morgun eftir gøtunum í Pamplona, og í morgun fingu átta fólk skaða. Ein varð stangaður beint undir høgra armi og varð fluttur á sjúkrahús. Hann er stabilur, verður sagt.

(Mynd: EPA)

(Mynd: EPA)

Sjey onnur fingu løstir í høvdið og økslina.

Tarvarenning er gomul siðvenja í Pamplona, og í teir níggju dagarnar San Fermin-festivalurin er, verða tarvar førdir og eltir 825 metrar gjøgnum trongu gøturnar í gamla býarpartinum.

(Mynd: EPA)