Video: Fyrsta ljóðroyndin hjá Sissal í Sveis

Í vetur spældu føroysku hondbóltskvinnurnar søguligar EM-dystir í stóru høllini í stóra býnum í Sveis.

Í næstu viku er tað ein føroysk songkvinna, sum veruliga skal royna seg á stóra evropeiska pallinum í St. Jakobshalle í Basel.

(Mynd: Eurovision)

Sissal Jóhanna Norðberg Niclasen og toymi komu til Sveis mánadagin og er nógv á skránni fram til næsta hósdag, tá hálvfinalan er.

Ljóðið skal sita, og hetta varð roynt týsdagin. Sissal viðurkennir í videobrotinum hjá "Eurosong DK", at hon hugsavnaði seg heldur nógv um allar broytingarnar rundan um seg - og nýggju klæði síðani - til at tað varð heilt ella nóg gott.

(Mynd: Eurovision)

Ein nýggj roynd verður í morgin, fríggjadagin.

Les eisini: Hvørvisjónin skal standa sína roynd í Eurovision