Video: Tá Postverkið var yvirtikið í 1976

Tá Postverkið var yvirtikið 1. apríl í 1976. Filmur hjá Henry Fjallstein.

Henry fangaði løtuna tá Dannebrog var tikið niður á seinasta sinni, og Merkið á fyrsta sinni var vundið á stong uttanfyri posthúsið á Vaglinum í Havn. Postmennirnir vóru tá uttan búna (uniform), og teir møtu til arbeiðis í skipstroyggjum.

Vit síggja eisini løtuna tá viðskiftafólk streymaðu inn á posthúsið at keypa føroyskar fyrstadagsbjálvar og frímerki.

Tað er Heri Simonsen, sum hevur lagt upptøkuna á netið.