Video: Teistin var nær landi

Tað var nær við, at Teistin tók við land í Skopunarfirði, tá strandfaraskipið fekk maskinbrek á middegi. Skipið rak fyri vág og vind, var nær Hesti fyrstu løtuna. Síðani rak skipið eystur gjøgnum fjørðin.

Á AIS-myndunum, sum Vikmar hevur lagt á netið sæst, at bjargingarbáturin Lív og sjóbjaringarskipið Brimil vóru skjót á staðnum.

35 fólk vóru umborð, og tey fáa kreppuhjálp í boðið, segði Hilmar Eliasen, stjóri á Strandferðsluni, við útvarpið seinnapartin.

Teistin er nú aftur í sigling og siglir sambært ferðaætlanini.

Mynd: Sverri Egholm

Mynd: Sverri Egholm