Vørn skipaði fyri oljudálkingarvenjing á Skálafjørðinum

Mánadagin skipaði Vørn fyri oljudálkingarvenjing á Skálafjørðinum.

Við í venjingini vóru Brimil, manningin á Tjaldrinum, Runavíkar sløkkjulið, Fuglafjarðar sløkkjulið, MRCC og Arbeiðseftirlitið.

Vørn skipar javnan fyri slíkum venjingum í samstarvi við stovnar, bjargingarfeløg og onnur fyri at tryggja, at tilbúgvingin altíð er klár at handfara møguligar oljudálkingar.

(Mynd: Vørn)

Undir venjingini mánadagin vórðu uml. 400 metrar av oljusperrum lagdir út.

Arbeiðið gekk væl. Alt riggaði sum ætlað, og samstarvið millum luttakararnar var gott, skrivar Vørn.