Vrakaður á málstrikuni

Tað blivu Christel Trubka og Sean Bornkessel, sum vunnu ársins Paradise Hotel, og altso ikki sandavágsmaðurin Karl Weihe.

Karl Weihe fekk annars ein síðsta møguleika at sleppa inn aftur í Paradise Hotel og at sleppa í finaluna, men gamla flamman, Christel Trukba, vildi tað øðrvísi.

Tí tá avtornaði vóru tað Christel Trubka og Sean Bornkessel einumegin og Mathilde Bang og Mathias Rubi hinumegin, sum mannaðu pørini í finaluni.

Og við øllum atkvøðunum frá dómsnevndini vunnu Christel og Sean Paradise Hotel 2025. Sjálvt Karl Weihe atkvøddi fyri Christel Trubka, hóast hann fyrr um dagin var vrakaður av henni.

Allir níggju dómsnevndarlimirnir atkvøddu fyri Christel og Sean (Mynd: Viaplay)

- Sjálvt um eg ikki kann torga Christel yvirhøvur, so velji eg kortini hana og Sean, tí eg tími ikki at standa hinuvegin sum ein tápulingur hjá nøkrum, sum ikki hava uppiborið tað, segði Karl Weihe um sína avgerð.

(Mynd: Viaplay)

Síðan varð farið til annað umfar av finaluni, til álitisroyndina, har annar finalisturin hevur møguleikan at snýta alt og øll og strúka avstað við øllum pengunum, upp til 500.000 krónum, meðan hin stendur eftir við ongum.

Hetta hendi bara ikki. Christel Trubka og Sean Bornkessel stólaðu uppá hvønn annan og deildu tær 500.000 krónurnar í millum sín.

Paradise Hotel sæst á Viaplay.