Wenzel skal byggja nýtt

Framsýningarhøllin, sum P/F Wenzel hevur í Akranesgøtu í Havnardali er ótíðarhóskandi, og treingir til totalumvæling.

Tí verður nú farið í holt við at byggja nýggja framsýningarhøll og sølubygning til nýggju Ford og Volvo bilarnir, sum bilasølan hevur.

Tað sigur Rúni Djurhuus, stjóri í P/f Wenzel.

Gamla høllin skal takast burtur, og hon fæst við avheintan, sigur stjórin. Hóast alupláturnar ikki kunnu brúkast er talan um gott stál og góða høll. Tilboðið er galdandi fyri tann, sum sjálvur kann heinta og taka sundur, og hetta skal vera skjótast gjørligt ella í seinasta lagi í februar, verður sagt.

Tað var um ársskiftið í fjør, at Rúni Djurhuus og saman við øðrum keypti P/F Wenzel frá Gunnari Justinussen.

Skitsa til nýggju høllina og sølubygningin hjá P/F Wenzel