Youtube strikar sjónbond um koronavaksinu

Stóra videotænastan Youtube har ein og hvør kann leggja videotilfar út, fer nú at strika tilfar sum sigur ímóti lokalu heilsumyndugleikunum ella tilmælunum um covid-19.

Tað sigur Youtube í einari fráboðan sambært Reuters tíðindastovuni.

Er tilfar, sum vil vera við at vaksinan drepur og ger skaða á fólk, ella at mikrokips verða sett í verk, tá ein fær koppingarevni, verða videoupptøkurnar strikaðar.

Youtube sigur, at tey longu strika video sum seta spurnartekin við um covid-19 er veruligt, og tilmælini frá heilsumyndugleikunum um frástøðu og avbyrging.

Síðani februar mánað hevur Youtube strikað 200.000 video, sum sambært teimum innihalda skeivar upplýsingar um korona. Hetta er nú eisini galdandi fyri koronakoppingarevni.