Ziska hjálpti útróðrarbáti í morgun

Boð vórðu send eftir Ziska í morgun, tá ein útróðrarbátur boðaði MRCC støðini frá, at hesin hevði fingið motortrupulleikar.

Ziska fór úr Klaksvík klokkan 05:47 og setti kós móti útróðrarbátinum, sum var staddur suður úr Borðoyarnesi. Ziska var hjá bátinum ein góða hálvan tíma seinni, skrivar JN.fo.

Útróðrarbáturin varð sleipaður til Klaksvíkar og var har klokkan 07:44 í morgun.