– ES til reiðar at svara aftur

ES fer at standa saman og er til reiðar at svara aftur, sigur ES-nevndarforkvinnan, Ursula von der Leyen, eftir at USA hevur boðað frá, at tollur á 20 prosent verður lagdur á innfluttar vørur úr ES.

– Vit eru til reiðar at svara aftur. Vit eru longu í ferð við at leggja síðstu hond á okkara aftursvar til tollin á stál og aluminium. Vit fyrireika nú enn eitt aftursvar fyri at verja okkara áhugamál, sigur hon sambært Ritzau.

Sambært von der Leyen er nýggi tollurin hjá USA "ein stórur smeitur fyri heimsbúskapin".

– Avleiðingarnar verða ræðuligar fyri milliónum av fólki í øllum heiminum. Allar fyritøkur fara at vera fyri missi, sigur hon.

Les eisini: Trump leggur toll á vørur úr øðrum londum