- Putin ynskir ikki fulla og varandi vápnahvíld

Síðani telefonsamtaluna millum Donald Trump og Vladimir Putin í gjár er eitt sindur komið fram um innihaldið.

Millum annað er russiski forsetin gingin við til at støðga álop á orkukervi í Ukraina í 30 dagar, og fleiri samráðingar skulu vera í Miðeystri.

Sí eisini: Fyrstu fetini móti friði í Ukraina tikin

Volodymyr Zelenskyj staðfesti aftur í gjárkvøldið, at Ukraina stuðlar uppskotinum um vápnahvíld í ein mánaða.

Tó vísir ukrainski forsetin, í uppslagi á sosiala miðlinum, á, at Vladimir Putin hevur víst aftur øllum uppskotum um fulla vápnahvíld, og at russiski forsetin ikki tykist hava áhuga í hesum. Hetta millum annað við at Russland so seint sum í gjár sendi 40 krígsdronur yvir Ukraina og rakti sivilt undirstøðukervi.

- Putin ynskir ikki fulla og varandi vápnahvíld. Harvið burdi heimurin staðið ímóti hansara royndum at leingja um kríggið.

Í videorøðu týskvøldið staðfesti Zelenskyj, at allar friðarsamráðingar skulu vera við Ukraina við borðið. Eitt av næstu punktunum hjá USA er at samskifta nærri við Ukraina aftur.