
Leygarkvøldið 5. apríl fer ársins útgáva av tónleikakappingini Sement av bakkastokki í Reinsarínum.
– Leygarkvøldið 5. apríl verður Reinsaríið fylt við nýggjum tónleiki, livandi framførslum og pulserandi stemningi, tá fyrsta umfar av Sement verður skotið í gongd! Hetta er løtan, har vit uppliva roynd og óroynd, har felagsnevnarin er nýggjur og spennandi tónleikur, ið ikki er útgivin, skriva fyriskiparar, sum herfyri boðaðu frá metstórari luttølu í kappingini.
Les eisini: Metnógvir bólkar teknað seg til Sement í ár
28 bólkar hava teknað seg til kappingina, og átta teirra luttaka í fyrsta umfari.
Teir eru: AWL, Gjáir, Karla Hansen, Ókendir, Solstice, Doysin, Jarhzé og Novacaine.
Atgongumerki til tiltakið kunnu keypast á torsgota.fo.
Í fjør var tað bólkurin Gówa, sum vann Sement, meðan Ragnar Finsson gjørdist nummar tvey, og Ása Helena Brynjarsdóttir gjørdist nummar trý.
Vinarliga broyt tínar kennifíla - og privatlívsstillingar fyri at síggja hetta innihald